![20210801_185412 2.jpg](/uploads/20210801_185412_2_0120b7fec3.jpg)

Dünyadakı ən böyük at heykəlinin Şotlandiyada olduğunu bilirdiniz? Kelpilər Falkirk adlı qəsəbənin çoxlu turist cəlbetmə səbəbidir və 30 metr hündürlükdə olmaqla ən böyük at heykəli sayılırlar. Atların qəhramanı Şotland heykəltəraş Andy Scottdur və Şotland mifindəki su ruhları olan Kelpilərdən ilhamlanıb. Miflər və simbollar mənə çox maraqlı olduğu üçün Kelpilərlə tanış olmaq məni çox sevindirmişdi. Simbolların özünün ifadə etdiyi mənadan da öncə məndə oyandırdığı düşüncələri də sevirəm. Mənalarını araşdırmazdan öncə mənə nə ifadə etdiklərin düşündüm. Atları çox sevirəm, çox gözəl heyvanlardır. Mənə gözəllik və gücün birlikdə, bir-birinin içinə girmiş halını simbolizə edirlər. Yazı stolumun üzərində də qızılı rəngli at heykəli dayanır, məni ilhamlandırır. Mənim üçün at güc deməkdir, dayanıqlılıq deməkdir. Amma o güc yıxıb-dağıtmaqdan deyil, güc əzmdən, ruhun əsalətindən və cazibəsindən gəlir. Araşdırdığımda isə Şotland miflərindəki Kelpilər o qədər də sevilən qəhrəmanlar deyil, qorxulu qəhrəmanlar olduğunu öyrəndim. Şotlandiya gölləri, suları ilə çox məşhurdur. İstifadə etdikləri çox az Şotland dilində söz qalıb onlardan biri də "Loch", yəni göl sözüdür. Burada heç yerdə İngilis dilində olan Lake sözünü görməzsiniz. Bu Lochlar yerli xalq üçün çox əhəmiyyətli olduğundan, sehrli sular sayılır və ətrafında çox xalq dastanları yaranıb, Kelpilər də Lochlarda yaşayan su ruhlarıdır. Mifə görə bu ruhlar at və insan formasına keçə bilirlər (Transformating beasts) və gecələr "Lochun" yanından keçən insanları yeyirlərmiş. Təbii ki haqqında çoxlu hekayələr yaranıb, danışılıb, dəyişilib və s. Hal-hazırda yerli xalq bu hekayələri uşaqlara danışmaqla onların tək-başına su olan yerlərdə, Lochlarda oynamaqdan çəkindirdiklərini düşünürlər və bəlkə də bu məqsədlə bu mifin yarandığını düşünürlər. 

![20210801_191149.jpg](/uploads/20210801_191149_b4766e8f1c.jpg)

Andy Scott isə Kelpilər əsərilə Şotlandiyanın dəyişilən və güclənən ekonomiyasını, landşaftını, inkişafını simbolizə etdiyini vurğulayıb. Çünki bu mifik Kelpilər 100 at gücünə sahib olan və dəyişəbilən varlıqlardır. 

![20210801_191246.JPG](/uploads/20210801_191246_cc5db85b9b.JPG)

Kelpilər Falkirkdə Heliks parkında yerləşirlər və həqiqətən o əzəmətli varlıqları görməyə dəyər deyə düşünürəm. İl ərzində 5 milyon turistin gəlməyinə səbəb olurmuş, bundan əlavə də Falkirkdə  "Callendar House", "Falkirk Wheel" kimi gəzib, görməkdən zövq alınacaq yerlər var.

Şotlandiyada gördüyüm ən maraqlı şeylərdən biri də Falkirk çarxıdır. Falkirk wheel adlanan bu çarx 2 kanalı bir birilə birləşdirən dünyadakı yeganə fırlanaraq qayıqları qaldıran çarxdır. Forth və Clyde kanalını Union kanalı ilə birləşdirir və 21-ci əsrin möhtəşəm sənaye-incəsənət nümunəsi sayılır. Bu çarx 2002-ci ildə şahzadə tərəfindən açılıb və çox sevilən turist atraksiyonlarından da biridir. Çarxa qayıqla minib fırlanaraq qalxmaq mümkündür amma biletlər çox tez tükənir, həftələr öncəsindən bilet almaq mütləqdir. Çarxa minməyə bilet tapılmasa belə gedib görmək və ətrafındakı parkı kəşf etmək pulsuzdur :) 

![IMG_6785.JPG](/uploads/IMG_6785_870b4437e3.JPG)

![IMG_6783.JPG](/uploads/IMG_6783_df7d159914.JPG)



Callendar house isə bir digər görməli yerdir Falkirkdə. 2000 il əvvəl Romanlar tərəfindən tikilmiş bu şatonun Britaniya tarixində çox böyük rolu var, Şotlandların şahzadəsi Mary-dən tutmuş bir çox tarixi şəxslərin yaşamış olduğu şatolardan biridir. Hal-hazırda muzey kimi fəaliyyət göstərir və əgər siz bir Outlander fanısınızsa buranı çox sevəcəksiniz, Outlanderdəki bəzi səhnələr bu muzeydə çəkilib, xüsusilə də mətbəxində :) Bu evlə bağlı mənə ən maraqlı gələn faktlardan biri də sonralar bu evi məşhur və zəngin Forbes ailəsinin almış olması və buranı yenidən fransız stilində təmir edib, bir fransız şatosuna çevirməsidir. Lakin 1963-cü ildə Falkirk bələdiyyəsi məcburi şəkildə bu evi onlardan alaraq xalqa açıq tarixi əsər, muzey kimi fəalliyət göstərməsinə qərar vermişdir. Callendar parkında həm də William Forbesin artıq sınıq-sökük hala gəlmiş qəbrini də görmək olar.

![20210801_152718 2.jpg](/uploads/20210801_152718_2_0755bfc6c3.jpg)

![IMG_6732.jpg](/uploads/IMG_6732_7174ce098b.jpg)


Muzeyin arxitekturasından da, rəsm əsərləri olan bölməsindəki pişik rəsmlərindən də zövq aldıq.

![20210801_152855.JPG](/uploads/20210801_152855_921147cd0b.JPG)

Arxadakı məndən daha qəşəng poz verən qaqaşlara diqqət :) 

![20210801_152902.JPG](/uploads/20210801_152902_f51b410b20.JPG)

![20210801_154235.JPG](/uploads/20210801_154235_abf91509bc.JPG)

![IMG_6735.JPG](/uploads/IMG_6735_4289ec749a.JPG)

![IMG_6758.JPG](/uploads/IMG_6758_b010d3fc1d.JPG)

![IMG_6759.JPG](/uploads/IMG_6759_98953f2d3a.JPG)
![IMG_6741.JPG](/uploads/IMG_6741_2fda22d099.JPG)
![IMG_6745.JPG](/uploads/IMG_6745_4c5c66d5f8.JPG)
![IMG_6760.JPG](/uploads/IMG_6760_999567edbb.JPG)
![IMG_6765.JPG](/uploads/IMG_6765_4e5946afe7.JPG)

Birdə Falkirkə getmişkən Falkirk tunelinə də getmək maraqlı olar :)

![IMG_6780.JPG](/uploads/IMG_6780_fa3991e073.JPG)

![20210801_174201.JPG](/uploads/20210801_174201_869682ba87.JPG)

Dünyadakı ən böyük at heykəlinin Şotlandiyada olduğunu bilirdiniz?

thumbnail_20210801_185412 2.jpg

20210801_185412 2.jpg

Falkirk

Ganira Ahmadova

thumbnail_ganira-about-me.jpg

ganira-about-me.jpg

10 günlük UK səyahətimizdə ilk dəfə Uelsə də getdim. Bu ölkənin də özünəməxsus abu-havası var idi və mən çox sevdim. Hər yerdə yazıların 2 dildə olmasına baxmayaraq (İngilis və Uels), amma mən heç Uels dilində danışıq eşitmədim, amma yerli əhalinin dediyinə görə öz aralarında öz dillərində danışırlar. İlk gün Couchsurfingdən tapdığımız evə getdik. Biz o evdə 1 gün qalmağı planlamışdıq, amma ev sahibi bizə daha çox qalmağı təklif edəndə biz də 2 gün qalmağa razılaşdıq. Evimiz meşənin içində villa idi, ilk dəfə idi ki UK-də villada qalırdıq. Ev çooox gözəl idi, bizim xəyallarımızdakı evə çox yaxın idi, amma evdə it ya pişik çatışmırdı :) O gecəni ev sahibimizlə çoox uzun uzun söhbət etdik, birlikdə şam yeməyi yedik. O qədər yeni şeylər öyrəndim ki... Həyatımıza girən yeni insanları ciddiyə almalıyıq məncə, bizə nələr qata biləcəklərini bilə bilmərik. Ev sahibimiz həkim idi və başımıza gələn ilk macəramızı bir həkimin evində yaşadığımız üçün çox şanslı olmalıyıq :) O günün səhəri Nicatın güclü diş ağrısı ilə oyandıq. Səyahətdəyik və həftəsonudur, həm də UK-dəyik :) Həm tanıdığımız həkim yoxdur burda, həm həftəsonu həkim tapmaq böyük problemdir, həm də burda dentist qəbulu çox bahadır. Amma dediyim kimi bir həkimin evində idik. Tez ora-bura, hər yerə zəng etdi və bir dentisi istirahətindən edib klinikaya bizim üçün gəlməsinə səbəb oldu. Hər şey təmənnasız həll olundu. O dişin ağrısı keçməsəydi o 10 günlük səyahətimiz nə olardı, təsəvvür belə edə bilmirəm :) Amma o diş sırf bizim bir həkimin evində olduğumuz gün deyil də 2 gün sonra olmuş olsaydı bu qədər asan həll edə bilməyəcəkdik. Bu hadisəni heç vaxt unutmmaq istəmədiyim üçün yazdım bu qədər :) İndi isə keçim gəzdiyimiz yerlərin gözəlliyinə. Daha çox icazə verəcəm şəkillər danışsın, mən yox :)


![DSCN3175.jpg](/uploads/DSCN_3175_3500fd9251.jpg)
Conwy Castle



![20190630_101819-1.jpg](/uploads/20190630_101819_1_2c3dc35c5d.jpg)

![DSCN3188.jpg](/uploads/DSCN_3188_fa58d4bb52.jpg)


O gün Manchesterdən dostlarımız da gəlmişdi həftəsonu birlikdə gəzəcəkdik. Elə də oldu, Calwyn Castle -ın (Kolvin Qalası) ətrafını gəzdik. Colwyn Bay inanılmaz gözəl şəhərdir. Təbiəti, tarixi, küçələri, dənizi və s. Nə istəsən var şəhərdə :) Biz də 2 gün həftəsonunu Calwyn Bay-i və Snowdonianı gəzdik deməyim də, ayaqlarımız qırılana qədər gəzdik, həzz aldıq təbiətindən, küçələrindən, hər şeyindən :) Aktiv səyahəti çox sevirəm, məncə həyatı 100% yaşadığım anlar aktiv səyahət etdiyim anlardır :)

![DSCN3192.jpg](/uploads/DSCN_3192_89f85dce89.jpg)
Bu isə Böyük Britaniyadakı ən kiçik evdir :)

![DSCN3187.jpg](/uploads/DSCN_3187_90a3896578.jpg)

Artıq gec olduğu üçün qalanın içinə girə bilmədik, bağlanırdı. Sabahı gün girəcəkdik :) İndi isə yola düşdük şəhərdən gəzə-gəzə Shallow Falls şəlaləsinə doğru. Bu isə Snowdonia-dakı ilk "hike-mız" idi :)

Snowdonia Uelsin "National Park"ıdır. UK-də milli parklar bizim bildiyimiz parklar kimi deyil. Çox böyük ərazilərdir, amma qoruma altına alınıb. Yenə də o ərazilərdə yaşayanlar var, amma o ərazilərdə ev tikmək və s icazə ilədir və hər ürəyin istədiyini edə bilmərsən o ərazilərdə. Biz bacardığımız qədər UK-dəki National Parkları gəzirik. İnanılmaz gözəlliklər qarşımıza çıxır bu yerlərdə həmişə.

Meşə, şəlalə, təbiət, o gözəllik, üstünə də sizin kimi "hike" etməyi sevən dostlar. Çox əyləncəli keçdi.


![20190629_183915-1.jpg](/uploads/20190629_183915_1_aac23cc1ef.jpg)

![20190629_184713.jpg](/uploads/20190629_184713_dc75cb0473.jpg)

![DSCN3219-1.jpg](/uploads/DSCN_3219_1_7b65c171ea.jpg)

![DSCN3211.jpg](/uploads/DSCN_3211_f4cf7677a6.jpg)

![DSCN3256-1.jpg](/uploads/DSCN_3256_1_458cd9f6d9.jpg)

![DSCN3236.jpg](/uploads/DSCN_3236_4680531b54.jpg)

![IMG_20190629_180119.jpg](/uploads/IMG_20190629_180119_c7e2c7dd7e.jpg)

![DSCN3215.jpg](/uploads/DSCN_3215_08f8675d03.jpg)



Bu gözəlliyin içində təxminən 2 saat gəzdik :) Daha sonra artıq axşam düşmüşdü, həm yorğun idik, həm ac idik. Necə geri qayıdacaqdıq? Ağlımıza avtostop çəkmək gəldi. Hər keçən saxlamasa da, bir maşın saxladı. 2 nəfər rumuniyalı və əyləncəli insanlar idi, 15-20 dəqiqəlik qısa zaman ərzində tanımadığımız adamlarla deyib-gülməyin də həzzini yaşadıq. Axı həyat sadəcə kiçik-kiçik anlardan ibarətdir, bacardığımız qədər daha çox saniyələrə yerləşdirməli deyilmiyik həzz aldığımız anlarımızı?

Xoşbəxtlik tam olaraq kim nəyə deyir bilmirəm, amma mənim üçün xoşbəxtlik anlardan ibarətdir... Doya-doya yaşadığım o anlar... Geriyə qalan standart yaşamdakı duyğunu tam olaraq xoşbəxtlik deyil də, türkcədən tatmin olmaq sözü ilə eyniləşdirə bilirəm. Və səyahət, gəzmək, xüsusilə təbiət gəzintiləri məni tam olaraq xoşbəxt hiss etdirən şeylərdir...

Snowdoniadakı 2-ci günü növbəti postda paylaşacam :)

Bura qədər oxuduğunuz üçün təşəkkür edirəm! :)

![IMG_20190629_200755.jpg](/uploads/IMG_20190629_200755_4b0456c4c8.jpg)
 Avtostop çəkdiyimiz o an ;)

10 günlük UK səyahətimizdə ilk dəfə Uelsə də getdim...

large_DSCN3175.jpg

medium_DSCN3175.jpg

small_DSCN3175.jpg

thumbnail_DSCN3175.jpg

DSCN3175.jpg

Uelsdəki ilk günümüz

Universiteti ilə tanınan bu şəhər arxitekturası, qədimi binaları, təmiz şəhər mərkəzi, qədimliyi və modernliyi özündə birləşdirən aurası ilə bizi özünə aşiq etdi. Bu şəhərdə heç nə etmədən, heç bir yerə girmədən sadəcə şəhərin küçələrini dayanmadan gəzmək belə adama bəs edir. Və elə ilk gün biz də bunu etdik. Şəhərə çatdıq və şəhəri gəzməyə başladıq. Bu qədər sevəcəyimi gözləmirdim, bəlkə də elə gözləntilərimi aşağı tutmaq buna səbəb oldu :) Oksforddan əvvəl Bath şəhərində idik, hamı o qədər tərifləyirdi ki, gözləntilərimizi yüksək tutmuşduq, bəlkə yenə də elə bu səbəbdən də o şəhəri hərkəsin bəyəndiyi qədər bəyənə bilmədik. Ona görə də getdiyimiz yerlərə artıq gözləntilərimizi aşağı tutub gedəcəyik, bu uzun səyahətimizdə bunu da öyrəndik :)

![DSCN3619-1.jpg](/uploads/DSCN_3619_1_571b44e87b.jpg)

![DSCN3630.jpg](/uploads/DSCN_3630_20436c2c5b.jpg)

![DSCN3631-2.jpg](/uploads/DSCN_3631_2_d7f9ae70ab.jpg)

Oksford indiyə qədər gördüyüm ən təmiz və ən çox velosiped sürülən UK şəhəri idi. Bəlkə də bunun səbəbi də elə şəhərdə yaşayan insanların çoxunun elm insanı, yəni fərqindəlikli insanlar olması idi :) Mən əvvəllər buna inanmasam da, zaman keçdikcə həqiqətən də təhsilli insanların daha şüurlu yaşadıqlarına, ətrafa, dünyaya daha fərqindəlikli olduqlarına əmin oldum. Əvvəllər düşünürdüm ki, ən sadə insanın yerə zibil atmaması üçün onun təhsilli olması gərəkmir. (bu sadəcə kiçik bir misaldır) Təəssüf ki, belə deyilmiş, təhsilli insanların fərqindəliyi yüksək olur. Əlbəttə ki, istisnalar hər zaman hər yerdə var. Bunu artıq şəhər nümunələrində də gördüm. UK-də təmiz, ətrafda zir-zibil toplantısı olmayan şəhərlər tapmaq çox çətindir həqiqətən. Amma Oksford məni bu mənada təəccübləndirə bildi. Birdə şəhərdə inanılmaz çox velosiped var idi, mən buna təəccüblənəndə Nicat dedi ki, tələbələr çoxdur deyə onlardır sürən :) Amma baxdıq ki, nə qədər yaşlı insan velosiped sürürdü.  Yaşlı, gənc, tələbə olmasından asılı olmayaraq hər kəs bir birinə təsir edə bilir və bu təsirin müsbət yöndə olması nə qədər sevindiricidir :)


![DSCN3663.jpg](/uploads/DSCN_3663_ff02931f8d.jpg)

![DSCN3601.jpg](/uploads/DSCN_3601_dcada556c3.jpg)

![DSCN3598.jpg](/uploads/DSCN_3598_51e8728be2.jpg)

Bu şəhərə gedəcəksinizsə ilk gün heç hara girmədən şəhər küçələrini gəzin, binalara heyranlıqla, doya-doya baxın (bunlara universitet və kollec binaları, kilsələr, muzeylər, kitabxanalar və daha bir çox binalar aiddir), şəhərdəki o canlı auranı hiss edin, qarşınıza çıxan lavandaların ətirlərini içinizə çəkin, bəzən çıxsa kitab mağazalarına və ya qədimi əşyalar satılan mağazalara da girin deyərdim. Kitab mağazalarının birində Azərbaycan xalçaları haqqında kitabın qarşıma çıxması məni təəccübləndirmişdi, xalqının çoxusunun Azərbaycan adlı yeri tanımayan bir ölkədə belə kitaba rastlamaq maraqlı və gözlənilməz idi :) Biraz mərkəzdən kənarlaşacaqsınızsa da Oksfordun təbiətinin dadını çıxarın. Meşəsi, çayı, su quşları və s. :)

![DSCN3685.jpg](/uploads/DSCN_3685_efa4f46e1b.jpg)

![DSCN3614-1.jpg](/uploads/DSCN_3614_1_e252243915.jpg)

![DSCN3649.jpg](/uploads/DSCN_3649_990d49bb27.jpg)

![DSCN3591.jpg](/uploads/DSCN_3591_fd6da048fc.jpg)

Axşam isə gəlin Oksfordun ən məşhur pub-larından biri olan Turf Tavern-də yeməyinizi yeyin :) Hava da gözəldirsə pub-ın həyətində yemeyinizdən və bu gözəl şəhəri gəzməyin verdiyi xoşbəxt yorğunluqdan həzz alın. Həmçinin bu şəhərdə maraqlı, qəşəng kafelər, restoranlar çoxdur, insan hansına girsin qərar verə bilmir.

![DSCN3720.jpg](/uploads/DSCN_3720_912966d5ae.jpg)

![DSCN3714.jpg](/uploads/DSCN_3714_c4615f2cd0.jpg)

2-ci gün isə artıq muzey, kilsə, botanika bağı kimi yerlərə gedə bilərsiniz. Hər yer biri-birinə yaxındır deyə rahat gəzilir. Amma muzeylər böyük və maraqlı olduğuna görə, keyfini çıxararaq, öyrənərək gəzə bilmək üçün çoxlu vaxta ehtiyac duyulur. Bizim vaxtımız az olduğundan bütün muzeylərə girməsək də ən məşhur və bizə ən maraqlı olanlara girə bildik. İlk girdiyimiz muzey "Museum of Natural History" idi. Həqiqətən çox gözəl muzey idi. Təbiət tarixi muzeyi kimi tərcümə edilir məncə və təbiətdə keçmişdə və günümüzdə mövcud olmuş heyvanlar, bitkilər haqqında maraqlı məlumatlar ala biləcəyimiz, həm də onları görə biləciyimiz bir muzeydir. Daha sonra isə elə bu muzeyə bitişik olan Pitt Rivers muzeyinə girdik. Bu isə daha çox müxtəlif xalqların incəsənət nümunələri, onların arxeoloji və antropoloji kolleksiyalarını nümayiş edən muzey idi. Burdan da çox həzz aldıq. Bu muzeylər Oksford universitetinə bağlı olan muzeylər idi.


![20190706_112731.jpg](/uploads/20190706_112731_617b73f730.jpg)

![20190706_112740.jpg](/uploads/20190706_112740_b437b3f640.jpg)

![20190706_113649-1.jpg](/uploads/20190706_113649_1_cae27e945b.jpg)

Qalan zamanımızda isə Ashmolean muzeyinə getdik. Bu muzeydə isə daha çox heykəllər və rəsm əsərləri olduğu üçün daha az maraqlı idi bizə, həm də vaxtımız az olduğu üçün az gəzib çıxdıq. Ən qəşəng tərəf isə bu muzeylər tamamilə pulsuzdur. Bircə Botanika bağına giriş pullu idi, o da bizim Glasgow-da çox böyük və gözəl, bizə yaxın, pulsuz Botanika bağı olduğu üçün Oksfordda oranı da gəzməyə ehtiyac duymadıq.

Nəticədə yenə olsa yenə gedərəm bu şəhərə, yenə eyni küçələri heyranlıqla gəzərəm, eyni muzeylərə girərərəm :) Və ümid edirəm ki, yenə gedəcəm :)


Universiteti ilə tanınan bu şəhər arxitekturası, qədimi binaları, təmiz şəhər mərkəzi, qədimliyi və modernliyi özündə birləşdirən aurası ilə bizi özünə aşiq etdi.

large_DSCN3714.jpg

medium_DSCN3714.jpg

small_DSCN3714.jpg

thumbnail_DSCN3714.jpg

DSCN3714.jpg

Oxford

Səyahətimizə Mançesterdən başladıq. Bunun məqsədi mənim tibbi imtahanım idi. Əslində ən başdan belə uzun səyahət planımız yox idi. Sadəcə 2-3 günlük gedib imtahanı verib, dostlarımızla görüşüb gələcəkdik. Sonra bir gün Rammsteinin Avropa turuna baxdım, elə bilirdim UK-ə gəlmir. Yenə öz-özümə deyinirdim yaxşı şeylər həmişə Avropada olur, burda olmazdı. Və tadaa UK-də sadəcə 1 konserti vardı, 6 iyul Milton Keynes stadionunda. Milton Keynes hara idi onu bele bilmirdik. Xəritədə baxdıq Londonun yaxınlığında bir qəsəbə imiş. Sevgilimlə eyforiyada idik heçnə düşünə bilmirdik, bu konserti çox istəyirdik. Biletin qiymətinə bir baxırıq bir içimizdəki istəyə. Dedik birdə bu fürsət elə keçməz və aldıq biletləri. Biletləri alandan sonra dedik aha indi biz ora necə gedək. Glasgow Milton Keynes qatar biletlərinin qiyməti kəllə çarxdı, yol çox uzundu. 1-2 gün qaldıq fikirləşə-fikirləşə :) Dedik ən pis halda bileti satarıq getmərik, eyni zamanda da çooox getmək istəyirik. Bir gün təqvimə baxdım, düşündüm ki, 26 iyun Manchestere gedib 30 iyun qayıdıb, təzədən 5 gün sonra Milton Keynesə getmək bizi həm çox yorar, həm də çox boşuna vaxt itirmiş olarıq. İmtahandan sonra da 1 həftə UK turu edib, uzun zamandır getmək istədiyimiz yerlərə gedib səyahətimizi də Rammsteinlə sonlandıraq. Nicatın da fikir çox xoşuna gəldi. Daha məntiqli idi beləsi. Həm mən neçə vaxtdır dərs oxuyuram, bir az istirahət edib şarj olaram, Nicat da işləyir, onun da istirahətə ehtiyacı vardı. Amma başqa ölkələrə  gedəcək, təyyarə bileti alacaq qədər də pulumuz yox idi. Eyni zamanda gedəcəyimiz yerlərdə də çox şəhərə gedəcəyik deyə ən effektiv yolları düşünüb, nə qədər daha az pul xərcləyərək istədiyimiz tətili edə bilərik deyə planlar qurduq. Tadaa :) Və istədiyimiz tətili ən ən yaxşı şəkildə etdik. Nələr etdik?

İlk öncə maşınla gedirdik və uzun yol maşında insanı yorur, təbii ki evdə nə meyvə yemək varsa özümüzlə götürdük, səyahət etdiyimiz yollarda yedik. Səyahət üçün kofe fincanlarımızı da həm öz evimizdən çıxanda, həm getdiyimiz yerlərdəki evlərdən çıxanda kofemizi hazırlayıb özümüzlə yola götürdük, eynilə də suyumuzu. Bu artıq küçədə kofe, yemək və s. almadıq demək deyil. Sadəcə daha az aldıq, eyni zamanda kofe qablarımızı kofe şoplarda təqdim edib onun içində kofemizi istəyəndə həm endirim olur bizə, həm də təbiətə çox kiçik də olsa xeyrimiz dəyir.

Daha sonra uzun maşın yolunda səsli kitab dinlədik. Gedəndə İlber Ortaylının "Bir ömür nasıl yaşanır" kitabını, qayıdanda isə Pasif direnişin sembölü Mahatma Gandhi kitabını dinlədik. Bu 2 kitab həqiqətən də bizi yorulmağa qoymadı, həm də yolda vaxt itirmiş olmadıq. Çox şey öyrəndik, düşündük, həm qulaq asa asa bəzən dayandırıb uzun yolda bir-birimizlə kitab haqqında uzun müzakirələr etdik, çox ilhamlandıq. Arada başqa kitablara da qulaq asmağa cəhd etdik, amma bəziləri yolda qulaq asa biləcəyimiz kimi deyildi, ona görə heç vaxt zorlamadıq. Bir az yoxlayandan sonra qulaq asa bilmirdiksə dəyişirdik və nəticədə sadəcə 2 kitabı bitirə bildik. Bu bizdə ilk idi, amma ikimiz də çox bəyəndik, bundan sonra uzun yollara kitablar taparaq çıxacaqdıq. Həm də yolda bir neçə kitab yoxladığımız üçün biz yolda nəyə qulaq asa biliriki anladıq. Deməli bədii əsərlərə, içində çoxlu peyzaj olan əsərlərə qulaq asa bilmirik, çünki yuxulayırdıq, fikrimizi toplaya bilmirdik. Ancaq bioqrafik, real məlumatlar verən, tarixi kitablara qulaq asa bilirik və həmişə də yola çıxanda bu kitabları axtaracağıq. Digər bədii əsərləri kitab olaraq evdə və s olanda oxuyacağıq.

Daha sonra isə o qədər şəhərlərdə qalmaq məsələsi. Manchesterdə və Northwich-də dostlarımız olduğu üçün 2 gün onların evində qalıb, səyahətimizin qalan şəhərləri üçün ev axtarmağa başladıq. Gedəcəyimiz bütün şəhərləri və neçə gün qalacağımızı planlamışdıq. Mən hər şəhərdəki qonaq qəbul edən couchsurfer-lərə yazdım. Sadəcə ilk getdiyimiz şəhər Uelsin Colwyn Bay şəhərində bir nəfər bizi qəbul etdi. Ondan 1 gün istəmişdik, o isə bizə yox daha çox qalın deyəndə 2 gün qaldıq. Digər şəhərlərdəki couchsurferlər qəbul etmədilər və kainat yenə də "perfect" işləyir. Çünki evində qaldığımız insan həkim idi. Həm mənə bir az ümid verdi, həm də onun evində qalanda Nİcatın dəhşətli diş ağrısı başladı. Gecəni yata bilmədi, səhər bizim doktor ona həkim tapdı birtəhər. Bu ölkədə dentist qəbulu çooox bahadır, eyni zamanda şənbə günü dentist tapmaq möcüzədir. Amma bizim doktor dentisti istirahətindən edib bizə görə klinikaya gəlməsinə, eyni zamanda pulsuz müayinə və müalicə etməsinə səbəb oldu.  Əgər o diş o gün yox başqa gün ağrısaydı, çox çətinlliklər çəkəcəkdik. Və bizi 1 nəfər o həkim qəbul etməyib digər 4-5 şəhərdəki couchsurferlər qəbul etsəydi, yenə də çox əziyyət çəkəcəkdik. Çünki aralarında tək bir həkim var idi, o da bizim şansımıza bizi qəbul etmişdi. Şükür edib davam etdik macəramıza :)




Səyahətimizə Mançesterdən başladıq...

10 günlük UK səyahətimiz

İlk couchsurfing təcrübəmizdə evimizi Nicolasa açdıq. Couchsurfingdə onun istəyini qəbul edəndə ilk əvvəl profilinə baxdıq. Referenslər əla idi, bir çox yeri gəzmişdi və tarix professoru idi! woow elədim :) Hər şəy əla idi, qəbul etdik. Və mesajlaşmamızdan sonra bir birimizi instagramda izləməyə başladıq. 1 həftə sonra evimizə gələcəkdi və İnstagramda onu izlədikcə "yox axı, belə professor ola bilməz" deyirdim içimdə :D Çox dəli-dolu biri idi, öz kefində yani :D Belə professor olar?  Mən daha rahat biri olmağıma baxmayaraq, sevgilim daha ehtiyatli biridir, ağlıma birşeylər salırdı hər dəfəsində və narahat olduqca girib adamın couchsurfingdə referenslərinə baxıb, rahatlayırdım :) Amma hər şey gözlədiyimdən də əla oldu. O gəldiyi gün mənim Edinburgda konfransım var idi deyə, səhər çox tezdən durmalı və hazırlaşıb qatara yetişməli idim. Dəhşətli dərəcədə yorğun keçmişdi günüm və axşama heç tanımadığım birini qonaq etməli idim. İçimdən bütün günü "niyə buna girişdim axı, mənə bu lazım idi?" deyirdim :D Artıq geri də addım ata bilməzdim. Və Nico gəldi, bütün fikirlərimi gəldiyi andan yox elədi. O qədər pozitiv, gülməli, maraqlı, mehriban və s. biri idi ki, sanki kainat yorğun və enerjisiz olacağımı bildiyi üçün onu bizə qonaq gətirmişdi :)

Nicolas Dublində yaşayan Argentinalıdır. Heç oxşamasa da, Argentinada tarix professorudur :D

Xarici görünüşü, pirsinqləri, tatuları, xarakterinə görə bizim alqılarımızda olan professordan çox uzaqdır :D Amma oturub söhbət edəndə intellektual, Latın Amerikası tarixindən çox bilgili olan bir insan olduğunu anlayırsan. Bundan əlavə bacardıqca hər yerə səyahət edir və səyahət etdiyi, yaşadığı ölkələrdə çoxlu fərqli işlərdə işləyir. Nicos bizim alışdığımızdan çox fərqli biridir əslində, amma o qədər əyləncəli, mehriban və intellektual idi ki, ooohh nə yaxşı couchsurfingə başladıq və ilk qonağımız elə o oldu dedik :) Heç ağlıma gəlməyən maraqlı, fərqli və əyləncəli məlumatlar aldım Latın Amerikası barəsində. Sırf bu öyrəndiklərimizdən sonra Latın Amerikasına səyahət planımız "Bucket list"imizdə yuxarıya çıxdı. Eyni zamanda Azərbaycanla çox maraqlanırdı və biz də ona öz mədəniyyətimizdən, tariximizdən bir az danışdıq.

Çox gözəl təcrübə idi, 2-3 gün öncə sosial fobiyamın üstündə işləmək qərarı vermişdim özümə. Sosial fobiyamla bağlı o qədər həm pis, həm maraqlı anlarım var ki :D (Bəlkə bir gün onlar haqqında da bir az yazaram)  Bunun üstəsindən gəlməyi yaşadığım bəzi hadisələrdən sonra məqsəd etmişdim özümə. Nicolas da elə öz üzərimdə işləməyə başladığım vaxtda gəldi və mən fobiyamın üstünə getmək üçün bunun da əla bir fürsət olduğunu anladım. Bu təcrübənin bizə çox köməyi oldu, ilk postumda couchsurfingin faydalarından yazmışam və bütün o faydaları yaşadıq. Məncə qısa həyatımızı yeni insanlar, fərqli təcrübələrlə rəngləndirmək öz əlimizdədir və bacardıqca bu fürsətləri dəyərləndirməliyik.


![IMG_20190518_093035.jpg](/uploads/IMG_20190518_093035_b139742b56.jpg)

![Capture-1.jpg](/uploads/Capture_1_3550cff0d9.jpg)

Bu arada Nicos payıza doğru Azərbaycana gəlməyi planlayır. Məncə imkanı olan ona evini açıb, onunla tanış olmaq fürsətini qaçırmasın, çox əylənəcək, çoxlu maraqlı məlumatlar alacaqsınız, həm də İngiliscə və ya İspancasını inkişaf etdirmək istəyənlər üçün də gözəl fürsətdir :)

İlk couchsurfing təcrübəmizdə evimizi Nicolasa açdıq...

large_IMG_20190518_093035.jpg

medium_IMG_20190518_093035.jpg

small_IMG_20190518_093035.jpg

thumbnail_IMG_20190518_093035.jpg

IMG_20190518_093035.jpg

İlk Couchsurfing təcrübəm

Couchsurfing səyahətsevərlər üçün yaradılmış, səyahət etdiyiniz ölkədə sizi qonaq edə biləcək, eyni zamanda sizin yaşadığınız ölkəyə səyahət edən insanları qonaq edə bilmək üçün yaradılmış çox faydalı platformadır. Mən də uzun zamandır istifadə etmək istəyirdim və nəhayət ki, evimizin qapılarını Argentinalı, çox əyləncəli, mehriban və çox bilgili Nicolasa açdıq :) Artıq platformanı təcrübədən keçirtdiyim üçün haqqında post yaza bilərəm deyə düşündüm, couchsurfing haqqında bilməyənlər varsa bəlkə onlar üçün faydalı ola bilər deyə.

İlk öncə qeyd etmək lazımdır ki, platforma tamamilə pulsuzdur, insanlara evinizi qonaq məqsədli açırsınız, onlar da eynən sizə. Bəs couchsurfing etməklə nə əldə edirik? Əslində əsas məqsəd səyahət etmək üçün ürəyi gedən, amma kifayət qədər maddi imkanı olmayan insanların pulsuz qala biləcək yer tapmasıdır. Amma couchsurfing günümüzdə o qədər inkişaf edib ki, artıq maddi imkanı yerində olan insanlar belə bundan əyləncə, öyrənmə, yeniliklərə açılmaq üçün istifadə edir. Həm də pula qənaət etməyin nəyi pisdir ki? :)  Yəni siz həm səyahət etdiyiniz yerdə pulsuz qalacaq yer tapırsınız, həm orda yaşayan insanlarla səmimi bir vaxt keçirirsiniz. Heç tanımadığımız bir ölkədə yaşayan, tamamilə fərqli dünya görüşü olan, fərqli həyat tərzi olan, bizim bilmədiyimiz mədəniyyəti olan, bizdən fərqli işlərdə işləyən bir insanın bizə nə qədər fərqli, gözəl şeylər qata biləcəyini düşünün. Çox gözəl bir şeydir. Tarixi, mədəniyyəti sıxıcı dərs kitablarından öyrənməkdənsə belə əyləncəli bir şəkildə öyrənməyi kim istəməz ki? Ən faydalısı da çalışın öyrənmək istədiyiniz dili danışan insanları seçin. Və bütün saydıqlarımdan ən əsas və dəyərlisi insanlarla bağ qurmaqdır, bəlkə o insanla çox gözəl dost ola biləcəksiniz, xüsusilə bizdən fərqli, dili, dini, mədəniyyəti fərqli insanlarla bağ qura bilmək "paha biçilemez". Çünki, düşünürəm ki, "özümüz kimi"ylə hamımız bir şəkildə bağ qururuq. Və bir də ən əsası köməkləşməkdir. Bir birimizə kömək etməkdən daha gözəl nə ola bilər? Bir daşla neçə quş vurduq? :)

![couchsurfing.jpg](/uploads/couchsurfing_c14ae35deb.jpg)

Bəs bu platforma necə işləyir? Əvvəlcə Couchsurfing.com adresinə girirsiniz və özünüzə profil yaradırsınız. Çalışın özünüz haqqında bacardıqca çox bilgi paylaşın, bu, insanların sizi tanıyıb, güvənməsində eyni zamanda ortaq maraqları olan insanları tapmanızda çox faydalıdır. Orda qarşınıza çıxan sualları çalışın cavablayın, vaxtınızı çox az alacaq. Xüsusilə haralara səyahət etmisiniz, hansı dilləri bilirsiniz, hansı dilləri öyrənmək istəyirsiniz, növbəti səyahət planınız haradır kimi. Evinizdə qonaq qəbul etmək sizin üçün uyğundursa bunu da qeyd edin, əgər əmin deyilsinizsə "Bəlkə Hə" düyməsini seçin. Bu arada Azərbaycan dili yoxdur saytda, amma Rus və ya İngilis dilində rahat istifadə edə bilərsiniz. Əgər sizin dəqiq tarixli səyahət planınız varsa, orda bunun üçün də bölmə çıxacaq və ora dəqiq tarixi, məkanı, neçə nəfər olduğunuzu qeyd edirsiniz. Və couchsurfing özü sizə həmin yerlərdəki qonaq qəbul edən insanları çıxaracaq. Bəzən ola bilər ki, həmin insanlar özləri sizə yazıb qonaq dəvət etsinlər, amma çox zaman siz özünüz o insanları tapıb yazmalısınız. Bəs tanımadığımız insanı necə seçək? Necə ona evimizi açaq və ya onun evinə gedək? Bu qorxulu deyilmi? Əlbəttə bu bir az ehtiyatlı olmağımız lazım olan məsələdir. Bunun üçün seçdiyimiz adamların profillərini diqqətlə incələyirik, xüsusilə də başqalarının onlar haqqında yazdığı şərhləri (references bölməsi). Əgər pozitiv reference-lər çoxdursa, neqativ demək olar ki yoxdursa o zaman rahat ola bilərik. Couchsurfing hər təcrübədən sonra 2 tərəfə də şərh yazmaq üçün istək göndərir, hər 2 tərəf də yazmayınca o şərhləri profillərdə 1 müddət paylaşılmır. Yəni, 2 tərəf də bir birindən xəbərsiz şərh yazır və bu da əslində şərhlərin daha obyektiv olmasına kömək edir. Digər deyə biləcəyim şey isə çalışın couchsurfing edəcəyiniz günləri minimum tutun, 1-2 gün idealdır, çünki bir insanın tanımadığı birinə uzun müddət qapılarını açma ehtimalı azdır.

Bundan əlavə saytda müxtəlif qruplar tapa bilərsiniz ki, burda insanlar müəyyən mövzularda bir birilərindən ya məsləhətlər alırlar ya hər hansı mövzunu müzakirə edirlər. Həmçinin səyahət etmək üçün yoldaş da bu platformada axtara bilərsiniz. Bir sözlə səyahət və yeniliklər sevənlər üçün faydalı platformadır.

Növbəti postumda ilk Couchsurfing təcrübəmi paylaşacam. Əgər bir sualınız və ya fikriniz varsa şərhlər bölməsində yaza bilərsiniz. Eləcə də şərhlərdə sizin də varsa couchsurfing təcrübələrinizi oxumaq istəyərəm.







Couchsurfing səyahətsevərlər üçün yaradılmış, səyahət etdiyiniz ölkədə sizi qonaq edə biləcək, eyni zamanda sizin yaşadığınız ölkəyə səyahət edən insanları qonaq edə bilmək üçün yaradılmış çox faydalı platformadır.

large_couchsurfing.jpg

medium_couchsurfing.jpg

small_couchsurfing.jpg

thumbnail_couchsurfing.jpg

couchsurfing.jpg

Couchsurfing nədir?

Living the life of miracles...

thumbnail_ganira-net-background

ganira-net-background

Salam. Adım Qənirədir :) Azərbaycan Tibb Universitetini bitirib, Böyük Britaniyada tibb təhsilim və kariyerama davam edə bilmək üçün imtahanlara hazırlaşıram. Hal-hazırda Şotlandiyada yaşayıram və məqsədim həyatı doya-doya yaşamaqdır. Səyahət etməyi, yeni insanlarla tanış olmağı, bir-birimizə yeni şeylər öyrətməyi, kitab oxumağı, heyvanları, bitkiləri, sağlam həyat tərzini sevirəm və bildiklərimi, öyrəndiklərimi, düşündüklərimi sizlərlə paylaşmaq, eyni zamanda sizləri tanımaq və sizlərdən öyrənmək üçün burdayam. Ümid edirəm bir-birimizi böyüdəcəyik :)

Əlaqə üçün:

- [Instagram](https://www.instagram.com/gani.raa/)
- [LinkedIn](https://www.linkedin.com/in/ganira/)
- [Email](mailto:contact@ganira.net)


